తెలంగాణలో మళ్లీ పెరిగిన కరోనా కేసులు

తెలంగాణలో ఇటీవల కరోనా కేసుల సంఖ్య తగ్గుముఖం పట్టిన సంగతి తెలిసిందే. వెయ్యి లోపు లేదంటే 1500లలోపు కొత్త కేసులు నమోదవుతూ వస్తున్నాయ్. అయితే తాజాగా తెలంగాణలో కరోనా కేసుల సంఖ్య మళ్లీ పెరిగాయి. గడిచిన 24 గంటల్లో 1,536 కొత్త కేసులు నమోదయ్యాయ్. దీంతో మొత్తం ఇప్పటి వరకు నమోదైన కేసుల సంఖ్య 2,42,506కి చేరింది.

నిన్న ఒక్కరోజే కరోనాతో ముగ్గురు మృతి చెందారు. దీంతో మృతుల సంఖ్య 1,351కి చేరింది. కరోనా బారి నుంచి నిన్న 1,421 మంది కోలుకోగా..ఇప్పటివరకు కోలుకున్న బాధితుల సంఖ్య 2,23,413కి చేరింది. రాష్ట్రంలో ప్రస్తుతం 17,742 యాక్టివ్‌ కేసులు ఉన్నాయని, వారిలో 14,915 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది.