బిగ్ ట్విస్ట్ : మోనాల్ ని ఎలిమినేషన్’కి నామినేట్ చేసిన అఖిల్

బిగ్ బాస్ తెలుగు సీజన్ 4 తొమ్మిద వారంలోకి అడుగుపెట్టింది. ప్రతివారం మాదిరిగానే సోమవారం ఏపీసోడ్ లోనూ ఎలిమినేషన్ కి నామినేషన్ ప్రక్రియ సాగింది. ఈ సందర్భంగా అరియానా-సోహైల్ మధ్య జరిగిన సంభాషణ, అభిజిత్-అవినాష్’ల మధ్య జరిగిన సంభాషణ హైలైట్ గా నిలిచింది.

ఇక నిన్నటి నామినేషన్ ప్రక్రియలో ఒక కంటెస్టెంట్ ఇద్దరి తలలపై గుడ్లు పగలగొట్టాలని చెప్పారు. మొదట అరియానా – హారిక, సోహైల్ తలలపై గుడ్లు పగలగొట్టి ఇద్దరినీ నామినేట్ చేసింది. అవినాష్ – అభిజిత్, హారికలను నామినేట్ చేశాడు. సొహైల్  – మోనాల్, అభిజిత్ ను నామినేట్ చేశాడు. అభిజిత్ – అవినాష్ ను నామినేట్ చేయడంతో నిన్నటి ఎపిసోడ్ ముగిసింది.

అయితే ఆ వెంటనే నెక్ట్స్ ఏపీసోడ్ కు సంబంధించిన ప్రోమోలు అసలు సిసలు ట్విస్ట్ చూపించాడు బిగ్ బాస్. ఈ ప్రోమోలో అఖిల్ మోనాల్ ను నామినేట్ చేసినట్లు చూపించారు. అఖిల్ ఇచ్చిన బిగ్ ట్విస్ట్ కి ఇంటి సభ్యులు, ప్రేక్షకుల దిమ్మ తిరిగిపోయింది. మరీ.. మోనాల్ ని ఎలిమినేట్ చేయడానికి గల కారణాలని అఖిల్ ఏం చెప్పబోతున్నాడు ? అన్నది ఉత్కంఠగా మారింది. అది ఈరోజు ఏపీసోడ్ కోసం ఆతృతగా ఎదురు చూసేలా చేస్తోంది. అఖిల్ రీజన్ స్ట్రాంగ్ గా ఉంటే మాత్రం.. ఆయన గేమ్ ప్లాన్ అదిరిపోయినట్టే.