‘కలర్ ఫోటో’ దర్శకుడుకి నాని ఆఫర్

‘కలర్ ఫోటో’ గురించి ప్రేక్షకులే కాదు. సెలబ్రెటీలు మాట్లాడుకుంటున్నారు. కొత్త దర్శకుడు సందీప్ రాజ్ దర్శకత్వంలో వచ్చిన చిత్రమిది. సుహాస్, చాందినీ చౌదరి, సునీల్‌, వైవా హర్ష తదితరులు కీలక పాత్రల్లో నటించారు. ఇటీవలే ఓటీటీ (ఆహా)లో విడుదలైంది. మంచి టాక్ తెచ్చుకుంది.

అల్లు అర్జున్‌, నాని, జగపతి బాబు, రవితేజ, విజయ్ దేవరకొండ తదితరులు ‘కలర్ ఫోటో’పై ప్రశంసలు కురిపించారు. నేచురల్ స్టార్ నాని ప్రశంసలకు మాత్రమే పరిమితం కాలేదు. దర్శకుడు సందీప్ రాజ్ కి ఆఫర్ ఇచ్చారు.  సందీప్‌ని నా బ్యానర్‌లోనే ఇంట్రడ్యూస్‌ అవ్వాల్సి ఉండేది. కానీ కొన్ని కారణాల వలన అది కుదరలేదు. కానీ ఇప్పుడు నా ఎక్స్‌పెక్టేషన్స్‌ని సందీప్‌ చాలా పెంచాడు. నా వాల్‌ పోస్టర్‌ సినిమాలో సందీప్‌తో ఓ సినిమాను నిర్మిస్తానని హామీ ఇచ్చారు.