‘ఫేమస్ 400’ జాబితాలో శ్రీముఖి కూడా !

దక్షిణ ఆసియాలోని ‘400 మంది అత్యంత ప్రభావవంతులు’ జాబితాలో తెలగు పరిశ్రమకు సంబంధించి పలువురు ప్రముఖులు చోటు సంపాదించుకున్నారు. ఇప్పటికే ఈ జాబితాలో యాంకర్స్ రష్మీ, ప్రదీప్ లకి చోటు దక్కింది. ఈ విషయాన్ని వారు సోషల్ మీడియా వేదికగా ప్రకటించారు. తాజాగా ఫేమస్ 400లో తనకు చోటు దక్కిందని యాంకర్ శ్రీముఖి పకటించారు.

న్యూయార్క్ ప్రెస్ న్యూస్ ఏజెన్సీ మరియు బ్రిటిష్ జర్నలిస్ట్ కిరణ్ రాయ్ ఈ జాబితాని రూపొందించింది. ఈ జాబితాను రెడీ చేయడానికి జర్నలిస్ట్ కిరణ్ రాయ్ యూకే నుంచి జూమ్ ద్వారా 400 మంది వ్యక్తులతో ఇంటర్వ్యూలు నిర్వహించారని తెలుస్తోంది. ఈ జాబితాలో ఆస్కార్ అవార్డు గ్రహీత ప్రముఖ సంగీత దర్శకుడు ఏ ఆర్ రెహమాన్ అగ్ర స్థానంలో నిలిచారు. బాలీవుడ్ ప్రముఖులు సోనూ నిగమ్, రహత్ ఫతే అలీ, అద్నాన్ సమీ, జాకీర్ హుస్సేన్ వంటి ప్రముఖులు కూడా ఈ జాబితాలో ఉన్నారు.