బాలీవుడ్’లో మరో విషాదం

2020 – బాలీవుడ్ కు ఏమాత్రం కలిసిరావడం లేదు. ఓ వైపు కరోనా విజృంభణ, డ్రగ్స్ కేసు ఆందోళన కలిగిస్తున్నాయ్. మరోవైపు సినీ ప్రముఖుల మృతి షాక్ ఇస్తుంది. తాజాగా బాలీవుడ్ లో మరో విషాదం నెలకొంది. నటుడు ఫరాజ్ ఖాన్ కన్నుమూశారు. గత కొన్ని రోజులుగా తీవ్ర అనారోగ్యంతో బాధపడుతున్న ఆయన చికిత్స పొందుతూ ఇవాళ తుది శ్వాస విడిచారు. ఈ విషయాన్ని నటి పూజా భట్ సోషల్ మీడియాలో వెల్లడించారు.

1990లో నటుడిగా బాలీవుడ్‌లోకి ఎంట్రీ ఇచ్చిన ఫరాజ్‌.. కారెక్టర్ ఆర్టిస్ట్‌గా తనకంటూ ప్రత్యేక గుర్తింపును తెచ్చుకున్నారు. ఫరేబ్‌, మెహందీ, మైనే ప్యార్ కియా వంటి చిత్రాల్లో నటించారు. ఇక గత నెలలో ఛాతీ, మెదడు సంబంధిత ఇన్‌ఫెక్షన్‌తో బాధపడుతూ బెంగళూరులోని ఓ ప్రైవేట్ ఆసుపత్రిలో చేరారు. అయితే ఆసుపత్రి ఖర్చులకు కూడా డబ్బులు లేకపోవడంతో ఆయనకు సాయం చేయాల్సిందిగా పూజా భట్ ట్వీట్ చేశారు. ఈ క్రమంలో స్పందించిన సల్మాన్ ఖాన్ ఆయనకు సహాయం చేసిన విషయం తెలిసిందే.