దేశంలో 47,638 కొత్త కేసులు,  54,157 మంది రికవరీ !

దేశంలో కరోనా కేసులు తగ్గినట్టే తగ్గి.. మళ్లీ పెరుగుతున్నాయ్. నిన్న 50వేలకుపైగా నమోదైన కొత్త కేసులు.. ఇవాళ 50వేల లోపుగా నమోదయ్యాయ్. గడిచిన 24 గంటల్లో దేశంలో కొత్తగా 47,638 పాజిటివ్‌ కేసులు నమోదయ్యాయి. దీంతో మొత్తం కేసుల సంఖ్య 84,11,724కి చేరింది.

వీరిలో 77,65,966 మంది కోలుకొని ఇళ్లకు చేరుకున్నారు. నిన్న ఒక్కరోజే కోలుకున్న వారి సంఖ్య 54,157. ఈ మహమ్మారి కారణంగా గురువారం 670 మరణాలు సంభవించగా, మొత్తం మృతుల సంఖ్య 1,24,985కు చేరుకుంది,ప్రస్తుతం దేశంలో రికవరీ శాతం 92.32గా ఉంది.