రాములమ్మకు టీపీసీసీ చీఫ్ ఆఫర్.. కానీ !
తెలంగాణ కాంగ్రెస్ మహిళా నేత, సీనియర్ హీరోయిన్ విజయశాంతి పార్టీ మారబోతున్నారు. ఆమె భాజాపాలో చేరడం దాదాపు ఖామైందనే ప్రచారం జరుగుతోంది. ఆ మధ్య కేంద్ర మంత్రి, తెలంగాణ భాజాపా సీనియర్ నేత కిషన్ రెడ్డి రాములమ్మ ఇంటికి వెళ్లి కలిశారు. అప్పటి నుంచి ఆమెలో స్పష్టమైన మార్పు కనిపిస్తుందని చెబుతున్నారు.
పరిస్థితిని గ్రహించిన కాంగ్రెస్ అప్రమత్తమైంది. తెలంగాణ కాంగ్రెస్ ఇన్ ఛార్జ్ మాణిక్యం ఠాగూర్ విజయశాంతి ఇంటికెళ్లారు. పార్టీలోనే కొనసాగాలని ఆమె కోరినట్టు తెలిసింది. అంతేకాదు.. టీపీసీసీ చీఫ్ ఆపర్ కూడా చేశారట. కానీ దానికి రాములమ్మ తగ్గలేదని తెలుస్తోంది. త్వరలోనే ఆమె కమలం గూటికి చేరనుంది. ఆమెకి భాజాపాలో పెద్ద పదవి వరించనుందని సమాచారమ్.
