2021 ఐపీఎల్’లో మోహన్ లాల్ జట్టు

ఐపీఎల్13 సీజన్ ముగిసింది. ముంబై ఇండియన్స్ విజేతగా నిలిచింది. ఇక ఐపీఎల్ 2021కి ఎక్కువ టైమ్ ఏమీ లేదు. మరో ఆర్నెళ్లలో ఐపీఎల్ 2021 మొదలవ్వనుంది. అయితే ఈ ఐపీఎల్ లో కొత్త జట్టు కనిపించనుంది. గుజరాత్ జట్టుని తీసుకొనేందుకు బీసీసీఐ కసరత్తు మొదలెట్టిందని చెప్పుకొంటున్నారు.

అంతేకాదు.. ఈ జట్టుకు మలయాళ సూపర్ స్టార్ మోహన్ లాల్ యజమానిగా వ్యవహరించబోతున్నారనేది లెటెస్ట్ న్యూస్. ఇటీవల దుబాయ్ వేదికగా జరిగిన ఐపీఎల్ 13 ఫైనల్ మ్యాచ్ కి మోహన్ లాల్ హాజరైన సంగతి తెలిసిందే. వీఐపీ గ్యాల‌రీలో.. మోహ‌న్ లాల్ క‌నిపించాడు. కేవ‌లం సౌత్ ఇండియా స్టార్ గా మోహ‌న్ లాల్‌కి ఆ గౌర‌వం ద‌క్కింద‌నుకుంటే పొర‌పాటే. వ‌చ్చే ఐపీఎల్ లో మోహ‌న్ లాల్ జ‌ట్టు కూడా క‌నిపించ‌బోతోందని చెబుతున్నారు. అతి త్వరలోనే దీనిపై క్లారిటీ రానుంది.