వకీల్ సాబ్.. మళ్లీ నిరాశే !

‘వకీల్ సాబ్’తో పవర్ స్టార్ పవన్ కల్యాణ్ సినిమాల్లోకి రీ ఎంట్రీ ఇస్తున్న సంగతి తెలిసిందే. లాక్ డౌన్‌తో బ్రేక్ పడిన ఈ సినిమాను ఈ మధ్యే రీస్టార్ట్ చేశారు. అయితే వకీల్ సాబ్ టీజర్ దసరాకు వస్తుందని భావించారు. కానీ రాలేదు. కనీసం దీవాళీకి వస్తుందని భావించారు. ఇప్పటి వరకు ఆ దానిపై అప్ డేటు లేదు.

ఈ నేపథ్యంలో సంక్రాంతికి వకీల్ సాబ్ రిలీజ్ పై కూడా అనుమానాలొస్తున్నాయ్. ఎందుకంటే ? సంక్రాంతి సినిమాల ప్రమోషన్స్ మొదలయ్యే టైమ్ ఇంది. కానీ వకీల్ సాబ్ చిత్రబృందం చాలా కామ్ గా ఉంది. ప్రస్తుతం షూటింగ్ పైనే ఫోకస్ పెట్టినట్టున్నారు. ఎందుకంటే ? పవన్ సినిమాలతో పాటు రాజకీయాలని చూస్తున్నారు. ఈ నేపథ్యంలో ఆయన ఎప్పుడు సినిమా షూటింగ్ నుంచి బ్రేక్ తీసుకొనేది తెలీదు. అందుకే సినిమా మొత్తం పూర్తయిన తర్వాత రిలీజ్ డేటు ప్రకటించి.. ప్రమోషన్స్ మొదలెట్టనున్నారని తెలుస్తోంది.

ఈ చిత్రానికి వేణు శ్రీరామ్ దర్శకత్వం వహిస్తున్నారు. శృతిహాసన్ హీరోయిన్. థమన్ సంగీతం అందిస్తున్నారు. బోనీ కపూర్ తో కలిసి దిల్ రాజు నిర్మిస్తున్నారు. బాలీవుడ్ హిట్ పింక్ కి రిమేక్ ఇది. ఇందులో పవన్ బిగ్ బీ పాత్రలో కనిపించనున్నారు.