తెలంగాణ తగ్గిన కరోనా కేసులు

తెలంగాణలో కొత్తగా నమోదవుతున్న కరోనా కేసుల్లో భారీ తగ్గుదల కనిపించింది. గడిచిన 24 గంటల్లో తెలంగాణలో 997 కేసులు నమోదయ్యాయ్. దీంతో మొత్తం ఇప్పటి వరకు నమోదైన కేసుల సంఖ్య 2,55,663కి చేరింది. నిన్న ఒక్కరోజే కరోనాతో నలుగురు మృతి చెందారు. దీంతో మృతుల సంఖ్య 1,397కి చేరింది.

కరోనా బారి నుంచి తాజాగా 1200 మంది కోలుకోగా.. ఇప్పటివరకు కోలుకున్న బాధితుల సంఖ్య 2,37,172కి చేరింది. రాష్ట్రంలో ప్రస్తుతం 17,094 యాక్టివ్‌ కేసులు ఉన్నాయని, వారిలో 14,466 మంది హోం ఐసోలేషన్‌లో చికిత్స పొందుతున్నారని వైద్య ఆరోగ్యశాఖ తెలిపింది.