పవన్ పర్యటన ప్రారంభం 

జనసేన అధినేత, పవర్ స్టార్ పవన్ కల్యాణ్ రైతుల కోసం రంగంలోకి దిగారు. నివర్ తుపాను ధాటికి నష్టపోయిన ఏపీ రైతులను పరామర్శించేందుకు పర్యటన మొదలెట్టారు. కొద్దిసేపటి క్రితమే పవన్ గన్నవరం ఎయిర్ పోర్టుకు చేరుకున్నారు. ఈరోజు గుంటూరు జిల్లాలో పవన్ పర్యటన కొనసాగనుంది. పంట నష్టపోయిన రైతులతో సమావేశమవుతారు.

గన్నవరం విమానాశ్రయం నుంచి కంకిపాడు మీదుగా కృష్ణా, గుంటూరు జిల్లాల పర్యటన మొదలవుతుంది. ఉయ్యూరు, పామర్రు, అవనిగడ్డ మీదుగా భట్టిప్రోలు చావలి, తెనాలి వైపు ఈ పర్యటన ఉంటుంది. ఈ నెల 3, 4, 5 తేదీల్లో చిత్తూరు, నెల్లూరు జిల్లాల్లో మరికొన్ని ప్రాంతాల్లో పవన్ కల్యాణ్ పర్యటిస్తారు. ఇక చిత్తూరు జిల్లాలో.. ముఖ్యంగా తిరుపతి పార్లమెంట్ నియోజకవర్గంలోని పలు ప్రాంతాల్లో పవన్ కల్యాణ్ పర్యటించబోతున్నారు.