నెట్‌ఫ్లిక్స్.. రెండ్రోజుల పాటు ఫ్రీ ఆఫర్ !
ప్రముఖ ఓటీటీ ప్లాట్ ఫార్మ్ నెట్ ఫ్లిక్స్ బంపర్ ఆఫర్ ప్రకటించింది. స్ట్రీమ్ ఫెస్ట్‌ను నిర్వహిస్తోంది. రెండ్రోజుల పాటు ఫ్రీ స్ట్రీమింగ్ ని అందించనుంది. నెట్‌ఫ్లిక్స్‌ను ఈ రోజు, రేపు (శని, ఆదివారాలు) ఉచితంగా ఉపయోగించుకోవచ్చు. అందులో ఉన్న ఫీచర్లన్నింటినీ వాడుకోవచ్చు. యూజర్లు అందులో 48 గంటల పాటు ఏం కావాలన్నా ఉచితంగా చూడవచ్చు. ప్రపంచంలో ఏ ఇతర దేశంలోనూ ఈ సంస్థ ఇటువంటి ప్రయోగాన్ని చేయలేదు. నెట్‌ఫ్లిక్స్ చరిత్రలో ఇదే మొదటిసారి. భారత యూజర్స్ కోసం స్ట్రీమ్ ఫెస్ట్ ని నిర్వహిస్తోంది.
ఈ ఆఫర్ వాడుకునేందుకు ఎటువంటి డెబిట్, క్రెడిట్ కార్డులతో పనిలేదు. కేవలం మీ ఈ-మెయిల్ ఉంటే సరిపోతుంది. ‘చాలా మందికి నెట్‌ఫ్లిక్స్‌లో ఉన్న సూపర్‌హిట్ టీవీ షోలు, సిరీస్‌, మూవీల గురించి తెలియదు. ఒక్కసారి వారు తమ యాప్‌లో ఉన్న కంటెంట్‌ను చూస్తే వారే అలవాటు పడతారు. అందుకనే ఈ ఆఫర్‌ను అందిస్తున్నాం’ అన్నారు నెట్‌ఫ్లిక్స్ సీవోవో గ్రెగ్ పీటర్స్.
