సామ్ జామ్’లో మిల్కీ బ్యూటీ చెప్పిన సంచలన విషయాలు

రౌడీ హీరో విజయ్ దేవరకొండకు పడిపోయిన ముద్దుగుమ్మల జాబితా పెరుగుతూనే ఉంది. బాలీవుడ్ యంగ్ హీరోయిన్ జాహ్నవి కపూర్ రౌడీ హీరోకు పడిపోయిన సంగతి తెలిసిందే. విజయ్ తో డేటింగ్ చేయాలనుందని మనసులోని మాటను బయటపెట్టింది. అంతేకాదు.. ఛాన్స్ దొరికితే విజయ్ లా మారిపోవాలని ఉందని చెప్పింది. జాహ్నవి మాదిరిగా విజయ్ కు పడిపోయింది బ్యూటీల లిస్టు పెద్దదే. ఇప్పుడీ ఈ లిస్టులో మిల్కీ బ్యూటీ తమన్నా కూడా చేరిపోయింది.

ఆహా కోసం సమంత నిర్వహిస్తున్న సామ్ జామ్ లో తమ్మూ పాల్గొంది. పర్సనల్, సినిమాల గురించి ఆసక్తికర విషయాలు పంచుకుంది. అవకాశం వస్తే ఎవరిని కిస్ చేయాలనుంది అని సామ్ అడిగితే.. టక్కున విజయ్ దేవరకొండ పేరు చెప్పింది. టాలీవుడ్ లో స్టార్ హీరోలందరితోనూ తమ్మూ ఆడిపాడింది. కానీ వారిలో ఒక్కరికి కూడా కిస్ పెట్టాలని తమ్మూకి అనిపించకపోవడం విశేషం. ఆమె రౌడీ హీరోని ఎంచుకొని ఆశ్చర్య పరిచింది. విజయ్ తో తమ్మూ ఇప్పటి వరకు కలిసి నటించలేదు. బహుశా.. ఆయనతో కలిసి నటించేందుకే ఇలా కిస్.. అంటూ గాలం వేసిందేమో. ఈ నెల 11న తమన్నా పాల్గొన్న ఏపీసోడ్ ఆహాలో ప్రసారం కానుంది.