సంక్రాంతి సినిమాల లిస్టు.. పెద్దదే !

సంక్రాంతి సినిమాలుగా మూడ్నాలుగు రావడం సహజమే. చిన్ని సినిమాలతో కలిపి మహా అంటే అరడజను ఉంటాయ్. అయితే 2021 సంక్రాంతి సినిమాల లిస్టు పెద్దదిగా ఉండబోతుంది. కరోనా ఎఫెక్ట్ తో ఈ యేడాది ఏప్రిల్ నుంచి రిలీజ్ కావాల్సిన సినిమాలన్నీ ఆగిపోయాయ్. కొన్ని సినిమాలు ఆగలేక ఓటీటీలోకి వచ్చేశాయ్. కానీ వాటి సంఖ్య చాలా తక్కువ. మీడియం, పెద్ద బడ్జెట్ సినిమాలు థియేటర్స్ రీ ఓపెన్ కోసం వెయిట్ చేశాయి. ఈ నేపథ్యంలో సంక్రాంతికి దాదాపు డజను సినిమాలు రిలీజ్ కి రెడీ అయ్యేలా ఉన్నాయి.

ఇప్పటికే క్రాక్, రెడ్, అరణ్య, రంగ్ దే,  మోస్ట్ ఎలిజిబుల్ బ్యాచ్‌లర్, మాస్టర్ తదితర సినిమాలు సంక్రాంతి సినిమాలుగా రిలీజ్ డేటుని ప్రకటించుకున్నాయి. ఈ జాబితా ఇంకా పెరిగేలా ఉంది. డజనుపైగానే వచ్చేలా ఉన్నాయి. భారీ బడ్జెట్ సినిమాలు ఆర్ ఆర్ ఆర్, ఆచార్య, కేజీఎఫ్ 2 సినిమాలని మినహాయిస్తేనే.. ఈ సంఖ్య. వీటిలో ఏ ఒక్క సినిమా సంక్రాంతికి వచ్చి ఉంటే.. పరిస్థితి ఇంకో రకంగా ఉండేది. మరోవైపు కొత్తరకం కరోనా వైరస్ వెలుగులోకి రావడంతో ప్రేక్షకులు థియేటర్స్ లోకి వస్తారా ? అనే సందేహాం కూడా ఉంది.