బిగ్ బాస్ 4.. ఓ మ్యాచ్ ఫిక్సింగ్ !

ఫైనల్ పోరు అంటే నరాలు తెగే ఉత్కంఠ. విజేతగా ఎవరు నిలుస్తారని ప్రేక్షకులు మునివేళ్లపై నిలబడి చూసే పరిస్థితి ఉంటుంది. కానీ బిగ్ బాస్ 4 గ్రాండ్ ఫినాలెలో ఇవేవీ కనిపించలేదు. మ్యాచ్ కి ముందే ఫలితం తెలిసిపోయినట్టు. ముందే మ్యాచ్ ఫిక్సింగ్ జరిగినట్టు. ముందే రిజల్ట్ తెలిసిన మ్యాచ్ ల సాగింది. అందరూ ఊహించినట్టే.. బిగ్ బాస్ 4 విజేతగా అభిజిత్ నిలిచారు. రన్నర్ గా అఖిల్ నిలిచారు. సోహైల్ మూడు, అరియానా నాల్గు, హారిక ఐదో స్థానాలకి పరిమితం అయ్యారు.

ఇక ముఖ్య అతిథిగా విచ్చేసిన చిరంజీవి సీజన్‌-4 విజేత అభిజీత్‌కు ట్రోఫీతో పాటు నగదు బహుమతిని అందించారు. చిరు తనదైన శైలిలో హోస్ట్ నాగార్జున, బిగ్ బాస్ కంటెస్టెంట్స్ పై సటైర్స్ వేశారు. వారి ప్రతిభని ప్రశంసించారు. మెగా ఆఫర్లు కూడా ఇచ్చారు. సోహైల్ సినిమా తీస్తే సపోర్ట్ చేస్తానని హామీ ఇచ్చారు. ఆ సినిమా చిన్నిపాటి గెస్ట్ రోల్ చేసేందుకు కూడా ఓకే చెప్పేశారు. మొత్తానికి.. బిగ్ బాస్ 4 గ్రాండ్ ఫైనాలె ఘనంగా, వినోదాత్మకంగా సాగింది.