సినీ పరిశ్రమలో మరో వివాదం

2020 – సినీ పరిశ్రమకు ఏమాత్రం కలిసిరావడం లేదు. ఓ వైపు కరోనా ఎఫెక్ట్ తో షూటింగ్ లకి బ్రేక్ పడింది. థియేటర్స్ మూతపడ్డాయ్. మరోవైపు పలువురు సినీ ప్రముఖులు మృతి చెందారు. తాజాగా మలయాళ ఇండస్ట్రీలో తనకంటూ ప్రత్యేక గుర్తింపు సంపాదించుకున్న ప్రముఖ మేకప్‌ మ్యాన్‌ షాబు పుల్పల్లి చనిపోయాడు.

క్రిస్మస్‌ పండుగ సందర్భంగా స్టార్‌ను వేలాడదీసేందుకు చెట్టు ఎక్కిన షాబు ఉన్నపలంగా అక్కడ్నుంచి అదుపు తప్పి కింద పడిపోయాడు. దీంతో ఆయనకు తీవ్ర గాయాలయ్యాయి. వెంటనే ఆసుపత్రికి తరలించినా కూడా ప్రాణాలు మాత్రం కాపాడలేకపోయారు. బలమైన గాయాలు తగలడంతో షాబు ప్రాణాలు కోల్పోయాడు. షాబు పుల్పల్లి మరణవార్తతో మలయాళ పరిశ్రమ షాక్ కి గురైంది. స్టార్ హీరోలతో షాబు పుల్పల్లికు మంచి అనుబంధం. వారు షాబు పుల్పల్లి మరణవార్తని జీర్ణించుకోలేకపోతున్నారు.