సలార్ కోసం హాట్ బ్యూటీ
దిశా పటానీ – తెలుగు ప్రేక్షకులకి బాగా తెలిసిన పేరు. ‘లోఫర్’ సినిమాతో తెలుగు తెరకు పరిచయం అయింది. ధోని బయోపిక్ తో రెండోసారి తెలుగు ప్రేక్షకులని పలకరించింది. అయితే ఇటీవల తెలుగు సినిమాల కోసం ఈ హాట్ బ్యూటీ పేరు బాగా వినిపిస్తోంది. అల్లు అర్జున్-సుకుమార్ ల హ్యాట్రిక్ చిత్రం ‘పుష్ప’లో ఓ అదిరిపోయే ఐటమ్ సాంగ్ ఉంది. ఇందులో పటానీ మెరవనుందనే ప్రచారం జరిగింది. ఇక కేజీఎఫ్ దర్శకుడు ప్రశాంత్ నీల్ దర్శకత్వంలో ప్రభాస్ నటించనున్న సలార్ కోసం మొదటి నుంచి పటాని పేరు వినిపిస్తోంది. ఆమెని తీసుకోవడం దాదాపు ఖాయమైందని చెబుతున్నారు. త్వరలోనే దీనిపై అధికారిక ప్రకటన రావొచ్చని టాక్.
ప్రస్తుతం ప్రభాస్ ‘రాధేశ్యామ్’ సినిమాతో బిజీగా ఉన్నారు. దీని తర్వాత ప్రభాస్ మూడు సినిమాలని లైన్ లో పెట్టేశాడు. నాగ్ అశ్విన్ సినిమా, ఆదిపురుష్, సలార్ సినిమాలని చేయాల్సి ఉంది. అయితే వీటిలో ఏ సినిమా ముందు రానుందన్నది తెలియాల్సి ఉంది. సలార్ వచ్చే యేడాది ప్రథమార్థంలోనే పట్టాలెక్కనుందని చెబుతున్నారు. ఇటీవల సలార్ సినిమా కోసం అడిషన్స్ కూడా నిర్వహించారు. కొత్త నటీనటులని తీసుకొన్నారు. వారికి శిక్షణ ఇచ్చి.. షూటింగ్ కి రెడీ చేయనున్నారు.
