‘ఎఫ్3’ నుంచి ఫస్ట్ లుక్ !
F2 (ఫన్ అండ్ ఫ్రస్టేషన్) – అసలు సిసలు సంక్రాంతి సినిమా అనిపించుకుంది. 2019 సంక్రాంతికి ప్రేక్షకుల ముందుకొచ్చి బ్లాక్ బస్టర్ హిట్ అయింది. అనిల్ రావిపూడి దర్శకత్వంలో వెంకటేష్-తమన్నా, వరుణ్ తేజ్-మ్రెహీన్ ప్రధాన పాత్రలో తెరకెక్కిన చిత్రమిది. ఇప్పుడీ.. ఈ సూపర్ హిట్ చిత్రానికి సీక్వెల్ ఎఫ్ 3 రాబోతున్న సంగతి తెలిసిందే. ఇటీవలే ప్రారంభోత్సవం జరుపుకుంది. తాజాగా ఈ సినిమా రెగ్యూలర్ షూటింగ్ మొదలైపోయింది. ఎఫ్ 3 సెట్స్ నుంచి ఫస్ట్ డే పిక్ కూడా వచ్చేసింది.
తొలిరోజే వెంకీ షూటింగ్ లో జాయిన్ అయిపోయారు. ఇక ఇప్పటికే ఎఫ్ 3 కాన్సెప్ట్ ఎంటో కూడా చెప్పేశారు. సీక్వెల్ లో కథానాయకులిద్దరు బోలేడు డబ్బులు సంపాదిస్తారు. దాని వలన కలిగే అనర్థాలతో కామెడీ పూయిస్తారని తెలుస్తోంది. ఎఫ్ 3 లో వెంకీ, వరుణ్ తేజ్ ల పక్కన ఇద్దరిద్దరు హీరోయిన్స్ కూడా ఉంటారని తెలుస్తోంది. వీరుగాక.. ఓ ఐటమ్ సాంగ్ కోసం స్టార్ హీరోయిన్ ని తీసుకోనున్నారని సమాచారమ్. మొత్తానికి ఎఫ్ 3 కలర్ ఫుల్ గా ఉండనుందని చెబుతున్నారు.
