బన్నీ కొంటెపనులు.. దండం పెట్టిన అరవింద్ !
సమంత వ్యాఖ్యాతగా ‘ఆహా’లో ప్రసారమవుతున్న ‘సామ్‌జామ్‌’ కార్యక్రమం కోసం వరుసపెట్టి మెగా హీరోలు దిగిపోతున్నారు. ఇప్పటికే మెగాస్టార్ చిరంజీవి సామ్ కలిసి ముచ్చట్లు పెట్టారు. పర్సనల్, సినిమాల గురించి ఆసక్తికర విషయాలు చెప్పారు. క్రిస్మస్ కానుకగా శుక్రవారం నుంచి మెగా ఏపీసోడ్ ప్రసారం అయింది. ఇక న్యూ ఇయర్ కి స్టయిలీష్ స్టార్ అల్లు అర్జున్ వస్తున్నారు.
తాజాగా దీనికి సంబంధించిన ప్రోమోని విడుదల చేశారు. తండ్రయ్యాక తాను ఇంట్లో బూతులు మాట్లాడడం తగ్గించానని బన్నీ సరదాగా చెప్పారు. అనంతరం అల్లు అరవింద్ సైతం ఈ ప్రోగ్రామ్‌లో భాగమయ్యారు. ఇప్పుడైతే బన్నీ హార్డ్‌ వర్కింగ్‌, క్రమశిక్షణగా ఉంటున్నారు? చిన్నప్పుడు కూడా ఇలాగే ఉండేవారా?’ అని సమంత అడిగిన ప్రశ్నకు అల్లు అరవింద్ నవ్వుతూ దండం పెట్టేశారు. అంటే.. బన్నీ ఖాతాలో చిలిపి పనులు, కొంటెపనులు చాలానే ఉన్నాయన్న మాట. ఆవేంటీ.. ? అన్నది అరవింద్ రివీల్ చేశారా ?? అన్నది పూర్తి ఏపీసోడ్ లో తెలియనుంది.
