బెల్లంకొండ.. బాలీవుడ్ డీల్ అదుర్స్ !

టాలీవుడ్ యంగ్ హీరో బెల్లకొండ సాయి శ్రీనివాస్ బాలీవుడ్ లోకి ఎంట్రీ ఇవ్వబోతున్న సంగతి తెలిసిందే. టాలీవుడ్ బ్లాక్ బస్టర్ ‘ఛత్రపతి’ రిమేక్ తో బాలీవుడ్ లోకి ఎంట్రీ ఇవ్వనున్నారు. ఈ చిత్రానికి మాస్ దర్శకుడు వివి వినాయక్ దర్శకత్వం వహించనున్నారు. ఈ రిమేక్ ని పెన్ స్టూడియోస్ నిర్మించనుంది.

ఛత్రపతి రిమేక్ తర్వాత శ్రీనివాస్ వరుసగా బాలీవుడ్ లో సినిమాలు చేసేందుకు ప్లాన్ చేసుకున్నారట. ఈ మేరకు ఓ బంపర్ డీల్ చేసుకున్నారని తెలిసింది. బాలీవుడ్ లో మూడు సినిమాలు చేసేందుకు గానూ.. రూ. 25కోట్ల డీల్ కుదుర్చుకున్నారట. అయితే తెలుగులోనే హీరోగా బెల్లకొండ ఇంకా నిలదొక్కులేదు. అప్పుడే బాలీవుడ్ వెళ్తున్నాడు. దాని వెనక దైర్యం ఏంటీ అంటే.. ? బెల్లకొండ నటించిన ప్లాపు సినిమాలని సైతం యూట్యూబ్ లో బాలీవుడ్ జనాలు ఎగబడి మరీ చూస్తున్నారు.

ఆయన ఒక్కో సినిమా 200మిలియన్ వ్యూస్ సొంతం చేసుకుంది. ఈ లెక్కన బెల్లకొండలోని మాస్ యాంగిల్ బాలీవుడ్ జనాలకి బాగా నచ్చేసిందని అర్థమైంది. అందుకే ఛత్రపతి లాంటి కథతో బెల్లకొండ బాలీవుడ్ లోకి ఎంట్రీ ఇవ్వబోతున్నారు. ఇదీగాక తెలుగులో రాణించలేని హీరోయిన్ తాప్సీ లాంటోళ్లు బాలీవుడ్ లో అద్భుతంగా రాణిస్తున్న సంగతి తెలిసిందే. ఈ నేపథ్యంలోనే బెల్లకొండ బాలీవుడ్ పై భారీ ఆశలు, అంచనాలు పెట్టుకున్నట్టున్నాడు.