మహేష్ వదినగా రేణు
పవర్ స్టార్ పవన్ కల్యాణ్ మాజీ భార్య రేణు దేశాయ్ మళ్లీ సినిమాలతో బిజీ కావాలని ఆశపడుతున్న సంగతి తెలిసిందే. సెకండ్ ఇన్నింగ్స్ మొదలెట్టడానికి తాను రెడీ. అక్కా, వదిన, తల్లి పాత్రలు చేస్తా. సూపర్ స్టార్ మహేష్ బాబుకు తల్లిగా చేసేందుకు కూడా తాను రెడీ అంటూ ఎప్పుడో గ్రీన్ సిగ్నల్ ఇచ్చేసింది రేణు. తాజా సమాచారమ్ ప్రకారం మహేష్ సినిమాలో రేణుకు ఛాన్స్ దక్కింది.
పరశురామ్ దర్శకత్వంలో మహేశ్ నటిస్తున్న చిత్రం ‘సర్కారు వారి పాట’. బలమైన ఎమోషన్స్ తో కూడిన ఫ్యామిలీ ఎంటర్ గా సినిమా ఉంటుందని ఓ ఇంటర్వ్యూలో మహేష్ చెప్పిన సంగతి తెలిసిందే. ఈ నేపథ్యంలో మహేష్ ఫ్యామిలీ మెంబర్ గా రేణుని తీసుకోనున్నారట. మహేష్ కు వదిన పాత్ర కోసం ఆమెని సంప్రదించినట్టు తెలుస్తోంది. ప్రస్తుతం చర్చలు జరుగుతున్నాయి. ఒకట్రెండు రోజుల్లోనే దీనిపై అధికారిక ప్రకటన రావొచ్చని చెబుతున్నారు.
బ్యాంక్ దోపిడి నేపథ్యంలో సర్కారు వారి పాట సాగనుంది. బ్యాంక్ నేపథ్యంలో వచ్చే సన్నివేశాలని అమెరికాలో చిత్రీకరించడానికి ప్లాన్ చేశారు. అంతేకాదు.. హైదరాబాద్ లో ప్రత్యేక బ్యాంక్ సెట్ ని కూడా వేస్తున్నారు. ఈ చిత్రంలో మహేష్ కి జంటగా కీర్తి సురేష్ నటిస్తున్నారు. గీత గోవిందం తర్వాత దర్శకుడు పరశురామ్ చేస్తున్న చిత్రమిది.
