మెడికల్ థ్రిల్లర్’లో శర్వా

కథల ఎంపికలో టేస్ట్ ఉన్న కథానాయకుడు శర్వానంద్. ఆయన ఓకే చేసిన సినిమా హిట్ గ్యారెంటీ అనే టాక్ ఉంది. అయితే ఇటీవల శర్వా జడ్జిమెంట్ తప్పుతోంది. శతమానం భవంతి తర్వాత శర్వా ఖాతాలో మరో హిట్ పడలేదు. అయితే ప్రస్తుతం శర్వా నాలుగు సినిమాల్లో నటిస్తున్నారు. ఆర్ఎక్స్ 100 దర్శకుడు అజయ్ భూపతి దర్శకత్వంలో ‘మహాసముద్రం’, కిశోర్ రెడ్డి దర్శకత్వంలో ‘శ్రీకారం’ సినిమా చేస్తున్నారు. దీంతో పాటు ‘ఆడాళ్లు మీకు జోహార్లు’ సినిమాలోనూ శర్వా నటిస్తున్నారు.

ఈ మూడు సినిమాలు సెట్స్ మీదండగానే మరో కొత్త సినిమాని శర్వా ఓకే చేశారు. ప్రముఖ రచయిత కోన వెంకట్ రాసిన మెడికల్ థ్రిల్లర్ కథకి శర్వా ఓకే చెప్పేశారట. ఇందులో మెడికల్‌ బ్యాక్‌ గ్రౌండ్‌లోని లొసుగులను కామెడీ సీన్లతో చూపించబోతున్నారట. మొదట ఈ కథ మెగా యంగ్ హీరో సాయిధరమ్ తేజ్ దగ్గరకి వెళ్లింది. అయితే ప్రస్తుతం తేజు బిజీగా ఉండటంతో నో చెప్పినట్టు తెలిసింది. దీంతో.. ఈ కథ శర్వానంద్ దగ్గరకి రావడం ఆయన ఓకే చెప్పడం జరిగిపోయాయని తెలిసింది.