పవన్-డాలీ.. హాట్రిక్ !

పవర్ స్టార్ పవన్ కల్యాణ్ మెచ్చిన దర్శకుడు డాలీ (కిషోర్ కుమార్ పార్థసాని). ఆయన దర్శకత్వంలో పవన్-వెంకీ కలిసి నటించిన ‘గోపాల గోపాల’ సూపర్ హిట్ అయింది. ఈ సినిమా చేస్తున్న టైమ్ లోనే డాలీకి మరో అవకాశం ఇస్తానని పవన్ ప్రకటించారు. మాటిచ్చినట్టుగానే డాలీతో ‘కాటమరాయుడు’ సినిమా చేశాడు. ఈ సినిమా చేస్తున్న టైమ్ లోనూ పవన్ మరోసారి మాటిచ్చారట. డాలీతో ఇంకో సినిమా కూడా చేస్తానని చెప్పారట. ఇప్పుడీ.. ఈ సినిమా ఫిక్సైనట్టు సమాచారమ్.

అయితే ఇందులో పవన్ హీరో కాదు. వరుణ్ తేజ్ హీరో. ఈ సినిమాని పవన్ నిర్మాతగా వ్యవహరిస్తారని సమాచారమ్. పవన్ నటించిన వకీల్ సాబ్ రిలీజ్ కి రెడీగా ఉంది. త్వరలోనే ‘అయ్యప్పనుమ్ కొషియుమ్’ రిమేక్ ని తెరపైకి తీసుకురానున్నారు. ఆ తర్వాత క్రిష్, హరీష్ శంకర్, సురేందర్ రెడ్డి సినిమాలని పవన్ పూర్తి చేయాల్సి ఉంది. ఇదీగాక.. పూరి దర్శకత్వంలో పవన్ సినిమా ఉండనుందని తెలుస్తోంది. మొత్తానికి.. 2023 వరకు పవన్ నాన్ స్టాప్ గా సినిమాలు చేయబోతున్నారు.