మాస్టర్ రివ్యూ – తలనొప్పి.. అంతలేదు !

తెలుగులో మంచి మార్కెట్ ఉన్న తమిళ్ స్టార్ విజయ్. ఆయన సినిమా కోసం తెలుగు ప్రేక్షకులు ఆసక్తిగా ఎదురు చూస్తుంటారు. తాజాగా విజయ్ మాస్టర్ గా ప్రేక్షకుల ముందుకొచ్చారు. ఈ చిత్రానికి ఖైదీ దర్శకుడు లోకేష్ కనగరాజు దర్శకుడు. అయితే మాస్టర్ మిక్సిడ్ టాక్ అనే ప్రచారం జరుగుతోంది. అందులో ఏమాత్రం నిజం లేదు. వన్ సైడ్ టాక్.. బ్లాక్ బస్టర్ హిట్.

నెగటివ్ రివ్యూ ఇచ్చింది ఒకే ఒక్కరు. ఆయన బాలీవుడ్‌కు చెందిన సినీ విమర్శకుడు శివ. మాస్టర్ తలనొప్పి సినిమా అంటూ సింగిల్ స్టార్ రేటింగ్ ఇచ్చాడు. డబ్బు, సమయం, ప్రతిభ అన్నీ దండగయ్యాయని విమర్శించారు. విజయ్ కెరీర్‌లో ఇదొక చెత్త సినిమా. స్క్రీన్‌ప్లే బాగోలేదు. యాక్షన్ సీక్వెన్స్‌లు ఎక్కవైపోయాయ్. దర్శకత్వం పరమ చెత్తగా ఉందని విమర్శించారు. ఇదే శివ సూపర్ స్టార్ రజినీకాంత్ ‘దర్బార్’ సినిమాకు 3 స్టార్ రేటింగ్ ఇచ్చారు. ఆ సినిమా ఫలితం ఏంటో అందరికీ తెలిసిందే. అందుకే శివ రివ్యూని ఏమాత్రం పట్టించుకోవాల్సిన అవసరం లేదు. మిగతా సినీ విమర్శకులు మాత్రం మాస్టర్ బ్లాక్ బస్టర్  హిట్ అని తేల్చేస్తున్నారు.