వకీల్ సాబ్ టీజర్.. ఇవి గమనించారా ?

పవర్ స్టార్ పవన్ కల్యాణ్ ‘వకీల్ సాబ్’గా ప్రేక్షకుల ముందుకు రాబోతున్న సంగతి తెలిసిందే. వేణు శ్రీరామ్ దర్శకత్వంలో తెరకెక్కిన చిత్రమిది. బోనీ కపూర్ తో కలిసి దిల్ రాజు నిర్మించారు. సంక్రాంతి కానుకగా గురువారం వకీల్ సాబ్ టీజర్ ని విడుదల చేశారు. కేవలం ఒక్క నిమిషం గల టీజర్ తో అభిమానులని ఖుషి చేశాడు. పవన్ నుంచి అభిమానులు ఏం ఆశిస్తారో.. అన్నీ సింగిల్ మినెట్ లో చూపించే ప్రయత్నం చేశారు. గత సినిమాల్లోని ఫేమస్ ఎక్స్ ప్రెషన్స్ ని చూపించారు.

పవన్ ఏంటీ.. లాయర్ ఏంటీ ? అనే అనుమానాలకి సింగిల్ టీజర్ తో సమాధానం చెప్పేశారు. లాయర్ పాత్రలో పవన్ లుక్ అదిరిపోయింది. ఆయన మేనరిజం సూపర్. టీజర్ తోనే సినిమా ఫలితం తేలిపోయింది. బ్లాక్ బస్టర్ హిట్ అని తేలిపోయింది. పెన్నుతో టిక్‌ టిక్‌ మనే శబ్ధం చేస్తూ.. చేతి వాచ్‌ను ఆయుధంగా వాడి కోర్టు సీరియస్‌గా వాదిస్తున్న సీన్‌ టీజర్‌కు విశేషమైన స్పందన వస్తోంది. మెట్రో రైల్‌లో.. కోర్టులో వాదించడం తెలుసు కోటు తీసి కొట్టడం తెలుసు అని చెప్పే డైలాగ్‌ కేక పుట్టించాయి.