27న చిన్నమ్మ విడుదల

చిన్నమ్మ రిలీజ్ డేటు వచ్చేసింది. ఈ నెల 27న శశికళ జైలు నుంచి విడుదల కానున్నారు. ఈ మేరకు ఆమె త‌ర‌పు న్యాయ‌వాది రాజా సేథురాపాండియ‌న్ వెళ్లడించారు. చిన్నమ్మ రాకతో తమిళనాడు రాజకీయాలు వేడక్కనున్నాయ్. ఆమె అన్నాడీంకే పార్టీని టేకప్ చేస్తారా ? లేక.. ?? కొత్త స్టెప్ తీసుకుంటారా ? అనే ఉత్కంఠ నెలకొంది.

త‌మిళ‌నాడు మాజీ సీఎం జయ‌ల‌లిత నెచ్చెలి శశికళ. 2016లో జ‌య‌ల‌లిత చనిపోయిన త‌ర్వాత అన్నాడీఎంకే అధినేత్రిగా బాధ్యత‌లు స్వీక‌రించిన శ‌శిక‌ళ‌.. నాలుగేళ్ల క్రితం అక్రమాస్తుల కేసులో బెంగ‌ళూరులోని జైలు పాల‌య్యారు.అయితే 4యేళ్ల  జైలుశిక్ష పూర్తి కావ‌డంతో శ‌శిక‌ళ జైలు నుంచి విడుద‌ల కానుంది. అయితే త్వర‌లో త‌మిళ‌నాడు రాష్ట్ర అసెంబ్లీ ఎన్నిక‌లు జ‌రుగ‌నున్న నేప‌థ్యంలో శ‌శిక‌ళ విడుదల ప్రాధాన్యతని సంతరించుకుంది.