ఈ బాలుడి టాలెంట్ కి కేటీఆర్ ఫిదా

ఓ బాలుడు ఒలింపిక్స్ జిమ్నాస్టిక్ క్రీడాకారుడి రేంజ్‌లో ప‌ల్టీలు కొడుతూ దూసుకెళ్లాడు. ఇందుకు సంబంధించిన వీడియోను ఓ నెటిజ‌న్ తెలంగాణ మంత్రులు కేటీఆర్‌, వి.శ్రీనివాస్ గౌడ్‌ల‌కు ట్వీట్ చేశాడు. బాలుడి టాలెంట్ పై మంత్రి కేటీఆర్ ఆశ్చర్యం వ్యక్తం చేశారు. అత‌డి గురించి వివ‌రాలు తెల‌పాలంటూ ట్వీట్ చేశారు. ఆ బాలుడికి అద్భుత‌మైన టాలెంట్ ఉంద‌ని, ఇది త‌న సండే మోటివేష‌న్ గిఫ్ట్ అని పేర్కొన్నాడు.

ఈ వీడియోనే రీట్వీట్ చేసిన కేటీఆర్‌… ‘వావ్ ఒలింపిక్ మెడ‌లిస్ట్ త‌యార‌వుతున్నాడు. అత‌డు తెలంగాణ బాలుడా?  లేక దేశంలోని ఇత‌ర ప్రాంతానికి చెందినవాడా? గొప్ప నైపుణ్యాలు ఉన్న ఈ బాలుడిని ప్రోత్స‌హించాల‌నుకుంటున్నాను’ అని కేటీఆర్ ట్వీట్ చేశారు. వీడియోలో బాలుడు.. చదును చేస్తున్న కొండపై ఉన్న మట్టిపై పల్టీలు కొట్టడం విశేషం. రాళ్లు, రప్పలున్న ప్రదేశంలోనే ఈ రేంజ్ లో పల్టీలు కొడితే.. మ్యాట్ పై మనోడు అద్భుతాలు చేయడం గ్యారెంటీ.

Wow an Olympic medalist in the making

Is he from Telangana or elsewhere in India? Would love to support this amazing talent https://t.co/tCeatdjxEB

— KTR (@KTRTRS) January 24, 2021