#RRR : నీళ్లలో నిప్పు.. వీడియో చూశారా ?
ఎన్టీఆర్, రామ్ చరణ్ కథానాయకులుగా దర్శకధీరుడు రాజమౌళి తెరకెక్కిస్తున్న భారీ మల్టీస్టారర్ ‘ఆర్ఆర్ఆర్’. ఈ సినిమాని అక్టోబర్ 13న ప్రేక్షకుల ముందుకు తీసుకొస్తున్నట్టు చిత్రబృందం అధికారికంగా ప్రకటించిన సంగతి తెలిసిందే. తాజాగా ఆర్ఆర్ఆర్ షూటింగ్‌కు సంబంధించిన ఓ వీడియోను ఆ సినిమా యూనిట్ ఇన్‌స్టాగ్రామ్‌లో పోస్ట్ చేసింది.ప్ర‌స్తుతం ఈ సినిమా క్లైమాక్స్ షూటింగ్ జ‌రుగుతోన్న విష‌యం తెలిసిందే. నీళ్లలో నిప్పు అంటూ చెర్రీపై చిత్రీకరిస్తున్న ఓ సన్నివేశానికి సంబంధించిన ఓ షాట్ ను ఆ సినిమా యూనిట్ పంచుకుంది. కొమరంభీమ్, అల్లూరి కలిసి తమ లక్ష్య సాధన కోసం ఏం చేశారు ? అన్నది క్లైమాక్స్ ఏపీసోడ్ గా చిత్రీకరిస్తున్నారని తెలుస్తోంది.
బాహుబలి తర్వాత రాజమౌళి చేస్తున్న చిత్రమిది. స్వాత్రంత్య్ర సమరయోధులు కొమరం భీమ్, అల్లూరి సీతారామరాజుల మధ్య గల ఓ కామన్ పాయింట్ ఆధారంగా దర్శకుడు రాజమౌళి ఆర్ ఆర్ ఆర్ కథని రాసుకొన్నారు. ఇందులో అల్లూరి సీతారామరాజుగా రామ్ చరణ్.. ఆయనకు జంటగా బాలీవుడ్ బ్యూటీ అలియా భట్ నటిస్తున్నారు. ఇక కొమరంభీమ్ పాత్రలో తారక్.. ఆయనకి జంటగా హాలీవుడ్ బ్యూటీ ఒలివియా మోరీస్ నటిస్తున్నారు.
