ఖిలాడి అనసూయ
హాట్ యాంకర్ అనసూయ ‘ఖిలాడి’ టీమ్ లో చేరిపోయింది. మాస్ మహారాజా రవితేజ తాజా చిత్రమిది. రమేష్ వర్మ దర్శకుడు. ఈ సినిమాలో అనసూయ ఓ కీలక పాత్రలో నటిస్తున్నారు. తాజాగా ఈ విషయాన్ని చిత్రబృందం అధికారికంగా ప్రకటించింది. అనసూయకి వెల్ కమ్ చెబుతూ.. ఖిలాడి టీమ్ ఓ పోస్టర్ ని రిలీజ్ చేసింది.
ఇందులో డింపుల్ హయాతి, మీనాక్షి చౌదరి హీరోయిన్లుగా నటిస్తున్నారు. యాక్షన్ కింగ్ అర్జున్ ఓ కీలక పాత్రలో కనిపించనున్నారు. ఈ చిత్రానికి దేవిశ్రీ ప్రసాద్ సంగీతం అందిస్తున్నారు. కోనేరు సత్యనారాయణ నిర్మిస్తున్నారు. గోపీచంద్ మలినేని దర్శకత్వంలో రవితేజ నటించిన ‘క్రాక్’ సంక్రాంతి కానుకగా ప్రేక్షకుల ముందుకొచ్చి.. బ్లాక్ బస్టర్ హిట్టైన సంగతి తెలిసిందే.
