హీరో సుమంత్ అశ్విన్ పెళ్లి ఫిక్స్.. అమ్మాయి ఎవరో తెలుసా ?
టాలీవుడ్ లో మరో పెళ్లి సందడి మొదలుకానుంది. ప్రముఖ నిర్మాత ఎం.ఎస్‌.రాజు తనయుడు, యువ హీరో సుమంత్ అశ్విన్ త్వరలోనే ఓ ఇంటివాడు కాబోతున్నారు. హైదరాబాద్‌కి చెందిన దీపిక అనే యువతిని ఆయన వివాహం చేసుకోనున్నారు. ఈ నెల 13న వీరి పెళ్లి జరగనుంది.
వివాహ వేడుకకి ఏర్పాట్లు జరుగుతున్నాయి. ఈ వివాహ వేడుకని కుటుంబ వేడుకగా నిర్వహించబోతున్నట్టు సమాచారమ్. కరోనా లాక్ డౌన్ పెళ్లిళ్ల మాదిరిగా అతి తక్కువ మంది అతిథుల మధ్య సుమంత్ అశ్విన్ పెళ్లి వేడుక జరగనుందని తెలుస్తోంది. ‘తూనీగ తూనీగ’, ‘అంతకుముందు ఆ తర్వాత’, ‘కేరింత’ తదితర చిత్రాలతో కథానాయకుడిగా గుర్తింపు తెచ్చుకున్నారు సుమంత్ అశ్విన్. ప్రస్తుతం ఆయన ‘ఇదే మా కథ’ చిత్రంలో నటిస్తున్నారు.
ఇక కరోనా లాక్ డౌన్ టైమ్ లో నిఖిల్, నితిన్, రానా దగ్గుబాటి, నిహారిక.. పెళ్లిళ్లు జరిగిన సంగతి తెలిసిందే. కరోనాతో వచ్చిన ఖాళీ టైమ్ ని వీరు బాగా వినియోగించుకున్నారు. కొత్త జీవితంలోకి అడుగుపెట్టారు. వీరి పెళ్లిళ్లన్నీ కుటుంబ వేడుకగా.. సింపుల్ గా జరిగిన సంగతి తెలిసిందే. ఇప్పుడు సుమంత్ అశ్విన్ కూడా చాలా సింపుల్ గా పెళ్లి చేసుకోబోతున్నట్టు తెలుస్తోంది.
