కో-బ్రదర్స్ మళ్లీ మొదలెట్టారుగా.. !!

2019 సంక్రాంతికి ఫుల్లుగా నవ్వించేశారు కో-బ్రదర్స్ వెంకీ-వరుణ్ తేజ్. వీరిద్దరు కథానాయకులుగా అనిల్ రావిపూడి దర్శకత్వంలో వచ్చిన చిత్రం ‘ఎఫ్2’. 2019 సంక్రాంతి కానుకగా వచ్చి ప్రేక్షకుల ముందుకొచ్చి.. బ్లాక్ బస్టర్ హిట్ అయింది. సంక్రాంతి విజేతగా నిలిచింది. అత్యధిక లాభాలు తెచ్చిపెట్టిన తెలుగు సినిమాగా రికార్డ్ సృష్టించింది. అయితే ఇప్పుడీ.. ఈ నవ్వులని రిపీట్ చేసేందుకు కోబ్రదర్స్ రెడీ అవుతున్నారు. ఎఫ్ 3 కోసం మరోసారి కలిసి నటిస్తున్నారు.

ఇటీవలే సెట్స్ మీదకు వెళ్లిన ఎఫ్ 2 జెడ్ స్పీడుతో షూటింగ్ జరుపుకుంటోంది. మొదట వరుణ్ తేజ్.. ఆ తర్వాత తమన్నా షూటింగ్ లో పాల్గొన్నారు. నిన్నా-మొన్నటి దాకా.. వెంకీ-తమన్నాల మధ్య ఫ్యామిలీ సీన్స్ చిత్రీకరించారు. ఇక ఈరోజు వెంకీ-వరుణ్ తేజ్ లు కలిశారు. వీరి కాంబోలో వచ్చే సీన్స్ తెరకెక్కిస్తున్నారు. తాజాగా సెట్స్ లో కో-బ్రదర్స్ రచ్చ చేస్తున్న పిక్ ఒకటి చిత్రబృందం షేర్ చేసింది. ఇందులో కో బ్రదర్స్ తో పాటు అనిల్ రావిపూడి కనిపిస్తున్నారు. మళ్లీ నవ్వులే నవ్వులే అంటే.. అంతేగా.. అంతేగా అన్నట్టుగా ఉంది.. ఈ పిక్ !