యాదాద్రిలో స్వాతి నక్షత్ర పూజలు

స్వాతి నక్షత్రాన్ని పురస్కరించుకొని యాదాద్రి శ్రీలక్ష్మీ నరసింహ స్వామివారి బాలలయంలో ప్రత్యేక పూజలు జరిపారు. స్వామివారి జన్మ నక్షత్రమైన స్వాతి నక్షత్రం సందర్భంగా ఆలయంలో పాంచరాత్ర ఆగమ శాస్త్ర ప్రకారం అష్టోత్తర శతఘటాభిషేకం నిర్వహించారు.

ఈ వేడుకల్లో ఆలయ అనువంశిక ధర్మకర్త నర్సింహ మూర్తి, ఆలయ ప్రధాన ఆచార్యులు, వేద పండితులు, ఆలయ అధికారులు పాల్గొన్నారు. పెద్ద సంఖ్యలో భక్తులు తరలివచ్చి స్వామి వారిని దర్శించుకున్నారు. యాద‌గిరి గుట్ట‌… దేశంలోని ప్ర‌ముఖ వైష్ణ‌వాల‌యాల్లో ఒక‌టిగా ప్ర‌సిద్ధి చెందిన ప‌ర‌మ పావ‌న దివ్య‌క్షేత్రం. తెలంగాణ ఆధ్యాత్మిక రాజ‌ధానిగా మారిన పంచ‌నార‌సింహుడి పున‌ర్నిర్మాణ పనులు పూర్తి కావొస్తున్నాయ్. త్వరలోనే సీఎం కేసీఆర్ చేతుల మీదుగా ఆలయ ప్రారంభోత్సవం ఘనంగా జరగనుంది.