షర్మిల పార్టీ పేరు.. ఇదేనా ?
తెలంగాణ రాజన్న రాజ్యం తీసుకొస్తానని వైఎస్ షర్మిల ప్రకటించారు. దీంతో ఆమె కొత్త పార్టీపై ప్రకటన వచ్చేసినట్టయింది. మంగళవారం నల్గొండ జిల్లా నేతలతో షర్మిల సమావేశం అయ్యారు. మిగితా జిల్లాల నేతలతోనూ ఆమె సమావేశం కానున్నారు. మార్చిలోగా షర్మిల కొత్త పార్టీని పెట్టనున్నారని తెలుస్తోంది.
ఈ నేపథ్యంలో షర్మిల పార్టీ పేరు ఇదేనని సోషల్ మీడియాలో జోరుగా ప్రచారం జరుగుతోంది. ప్రధానంగా రెండు పేర్లు వినిపిస్తున్నాయి. ఇందులో ఒకటి “తెలంగాణ వైఎస్సార్‌సీపీ”. రెండో “వైఎస్ఆర్ తెలంగాణ”. ఈ రెండింటిలో ఒక పేరు ఖరారు కానుందని సమాచారమ్.
మరోవైపు షర్మిల పెట్టబోయే కొత్త పార్టీకి ఏపీ సీఎం జగన్ సపోర్ట్ ఉందా ? ఆయన మద్దతుతోనే షర్మిల పార్టీని స్థాపిస్తున్నారా ? అనే ప్రశ్నలు తలెత్తుతున్నాయ్. అయితే ఇప్పటి వరకు అన్న జగన్ ని షర్మిల వాడుకోలేదు. ఈరోజు నల్గొండ జిల్లాల నేతలతో సమావేశం సందర్భంగా లోటస్ బయట వెలిసిన పోస్టర్స్ లో జగన్ ఫోటోలు కనిపించలేదు. మీడియాతో మాట్లాడిన షర్మిల కూడా జగనన్న సపోర్ట్ ఉందని చెప్పలేదు. జగనన్న ఆశీస్సులు తనపై ఉన్నాయనే అనుకుంటున్నాని మాత్రమే అన్నారు.
