తారక్ పక్కన కృతీ శెట్టి.. ఫిక్స్ ?
టాలీవుడ్ అంతా కొత్త హీరోయిన్ కృతీ శెట్టి వెంట పడుతోంది. ఆమెని ముందే బుక్ చేసుకుంటున్నారు. ఈ లిస్టులో దర్శకుడు త్రివిక్రమ్ కూడా ఉన్నారని సమాచారమ్. అవునూ.. తారక్ కోసం కృతీ శెట్టిని తీసుకోవాలనే ఆలోచనలో త్రివిక్రమ్ ఉన్నారట. ప్రస్తుతం ఎన్టీఆర్ ‘ఆర్ఆర్ఆర్’ సినిమాతో బిజీగా ఉన్నారు. అది పూర్తికాగానే త్రివిక్రమ్ దర్శకత్వంలో తారక్ సినిమా ఉండనుంది. ఈ సినిమా కోసం బాలీవుడ్ హీరోయిన్ లేదా టాలీవుడ్ టాప్ హీరోయిన్ ని తీసుకోవాలనే ఆలోచనలో త్రివిక్రమ్ ఉన్నారట.
ఇంతలో ఉప్పెన హీరోయిన్ కృతీ శెట్టి త్రివిక్రమ్ కళ్లలో పడిందట. తారక్ పక్కన ఈ అమ్మాయి అయితే సరిగ్గా సరిపోతుందని త్రివిక్రమ్ భావిస్తున్నట్టు తెలుస్తోంది. ఉప్పెన రిలీజై.. అందులో కృతీ నటనని చూసిన తర్వాత ఫైనల్ డిసిషన్ తీసుకుందామని వెయిట్ చేస్తున్నారట. భారీ అంచనాల మధ్య ఉప్పెన ఈరోజు ప్రేక్షకుల ముందుకొచ్చింది. సో.. ఒకట్రెండు రోజుల్లోనే తారక్ పక్కన కృతీని ఫిక్స్ చేసినట్టేనా ? కాదా ?? అన్నది తెలియనుంది.
ఇక తొలి సినిమా ఉప్పెన రిలీజ్ కాకముందే కృతీ శెట్టి బిజీ అయిపోయింది. నేచురల్ స్టార్ నాని సినిమా ‘శ్యామ్ సింగ రాయ్’లో హీరోయిన్ గా చేస్తోంది. సుధీర్ బాబు కొత్త సినిమా కోసం కృతీని తీసుకున్నారు. ఇవీగాక.. మరో రెండు పెద్ద సినిమాలకి కృతీ గ్రీన్ సిగ్నల్ ఇచ్చిందట. ఉప్పెన సినిమా రిలీజైన తర్వాత ఆ వివరాలు తెలియజేస్తానని కృతీ చెప్పింది. ఈ రెండు పెద్ద సినిమాల్లో ఒకటి త్రివిక్రమ్-తారక్ సినిమా అని తెలుస్తోంది. చూస్తుంతే.. చాలా త్వరలోగా కృతీ టాలీవుడ్ స్టార్ హీరోయిన్ అయిపోయేలా ఉంది. అందం+అభినయం తెలిస్తే అంతే మరీ.. ! ఈ బెంగళూరు భామ తొలి సినిమా ఉప్పెనతోనే తెలుగుని స్పష్టంగా నేర్చుకుంది.
