క్రిష్ ఆలోచనని మార్చేసిన ఉప్పెన హిట్

మెగా ఫ్యామిలీ నుంచి మరో హీరో దూసుకొచ్చాడు.’ఉప్పెన’తో మెగాస్టార్ మేనల్లుడు వైష్ణవ్ తేజ్ ఎంట్రీ ఇచ్చిన సంగతి తెలిసిందే. ఇటీవలే ప్రేక్షకుల ముందుకొచ్చిన ఉప్పెన బ్లాక్ బస్టర్ హిట్ అయింది. కేవలం మూడ్రోజుల్లోనే రూ. 50కోట్లు కలెక్ట్ చేసింది. ఇక ఉప్పెన రిలీజ్ కాకముందే క్రిష్ దర్శకత్వంలో వైష్ణవ్ తేజ్ రెండో సినిమా ప్రారంభమైన సంగతి తెలిసిందే. ఇందులో వైష్ణవ్ కు జోడిగా రకుల్ ప్రీత్ సింగ్ నటించింది.  కరోనా లాక్ డౌన్ టైమ్ లోనే సింగిల్ షెడ్యూలో ఈ సినిమా షూటింగ్ ని పూర్తి చేశారు. ఓటీటీ కోసం ఈ సినిమాని ప్లాన్ చేశారు క్రిష్. అయితే ఇప్పుడు.. ఉప్పెన రిజల్ట్ ని చూసి క్రిష్ మనసు మార్చుకున్నారట.

ఉప్పెన తొలి రోజే రికార్డ్ స్థాయిలో రూ. 10కోట్లకిపైగా రాబట్టింది. మూడ్రోజుల్లో రూ. 50కోట్లు వచ్చేశాయ్. ఓ స్టార్ హీరో సినిమా రేంజ్ లో ఉప్పెన కలెక్షన్స్ ఉన్నాయి. ఈ నేపథ్యంలో క్రిష్ ఆలోచనని విరమించుకున్నట్టు తెలుస్తోంది. తన సినిమాని ముందుగా థియేటర్స్ లోకి తీసుకొచ్చే ప్లాన్ చేస్తున్నారట. త్వరలోనే దీనిపై అధికారిక ప్రకటన రానుంది. ఓ నవల ఆధారంగా క్రిష్ ఈ సినిమాని తెరకెక్కించినట్టు తెలిసింది. కరోనా విజృంభణ టైమ్ లో జెడ్ స్పీడుతో ఈ సినిమా షూటింగ్ ని పూర్తి చేశాడు క్రిష్.