‘తెల్లారితే గురువారం’ టీజర్ వచ్చేస్తోంది

తెలుగు ప్రేక్షకులకు పట్టిన రొటీన్ సినిమాల మత్తుని కొత్త మేరకు తొలగించే ప్రయత్నం చేశారు కీరవాణి తనయుడు సింహా కోడూరి. ఆయన తొలి సినిమా ‘మత్తువదలరా’ సూపర్ హిట్ అయింది. అంతకుమించి విమర్శకుల ప్రశంసలు అందుకుంది. తొలి సినిమా తర్వాత కాస్త గ్యాప్ తీసుకున్న సింహా.. ప్రస్తుతం రెండు సినిమాల్లో నటిస్తున్నారు. ఇందులో ఒకటి తెల్లారితే గురువారం. రెండోది భాగ్ సాలే. సింహా బర్త్ డే కానుకగా ఈ రెండు సినిమాల అప్ డేట్ ఇచ్చారు.

‘తెల్లారితే గురువారం’ నుంచి ఉదయం పోస్టర్ వదిలిన చిత్రమిది.. తాజాగా టీజర్, సినిమా రిలీజ్ అప్ డేటుని ఇచ్చింది. మార్చి 27న సినిమాని ప్రేక్షకుల ముందుకు తీసుకొస్తున్నట్టు తెలిపారు. ఇక ఈ నెల 26న టీజర్ ని రిలీజ్ చేయనున్నట్టు తెలిపారు. టీజర్, రిలీజ్ డేటు అప్ డేట్ చెబుతూ.. సింహాపై ఓ వీడియోని కట్ చేశారు.

దీంట్లో తెల్లారితే గురువారం రిలీజ్ డేటు ఫీక్స్ చేయాలని ఆలోచనలో పడ్డ సింహా.. అసలు ఏ డేటు ఖాళీ ఉందని లెక్కలేసుకోవడం చూడొచ్చు. ఈ క్రమంలో మార్చి 11 – జాతిరత్నాలు, మార్చి 19 – చావు కబురు చల్లగా, ఏప్రిల్ 9 – వకీల్ సాబ్, మే28-బిబి3 వస్తున్నాయ్. వీటి తర్వాత రావాలంటే.. కష్టం. అందుకే మార్చి 27న వద్దామని.. మన వసూళ్లకి ఈ గ్యాప్ చాలని సింహా చెప్పడం వీడియోలో చూడొచ్చు. ఈ చిత్రానికి కీరవాణి పెద్ద కొడుకు కాల భైరవ సంగీతాన్ని అందిస్తున్నారు.