‘ఖిలాడి’ పండగ లుక్

మహా శివరాత్రి కానుకగా సినీ అభిమానులకు బహుమతులు క్యూ కడుతున్నాయ్. సినిమాల కొత్త పోస్టర్స్, పండలుక్ లుక్కులు, పిక్కులు వచ్చేస్తున్నాయ్. ఈ క్రమంలో ‘ఖిలాడి’ రవితేజ కిర్రాక్ లుక్ తో ప్రేక్షకుల ముందుకొచ్చాడు. రమేష్ వర్మ దర్శకత్వంలో రవితేజ నటిస్తున్న చిత్రమిది. మీనాక్షీ చౌదరి, డింపుల్‌ హయతి హీరోయిన్లుగా. దేవిశ్రీ ప్రసాద్ సంగీతం అందిస్తున్నారు. 

ఈ సినిమాలో రవితేజ ద్విపాత్రాభినయం చేయనున్నారు. అర్జున్‌, ఉన్ని ముకుందన్‌ కీలక పాత్రలు చేస్తున్నారు. మే 28న ఖిలాడి ప్రేక్షకుల ముందుకు రానున్నాడు. ప్రస్తుతం ఈ సినిమా షూటింగ్‌ ఇటలీలో జరుగుతోంది. ఈ షెడ్యూల్‌లో కొన్ని యాక్షన్‌ సీక్వెన్స్‌తో పాటు రెండు పాటలను చిత్రీకరించేందుకు చిత్రబృందం ప్లాన్‌ చేసిందని తెలిసింది. ఖిలాడి తర్వాత త్రినాథ రావు నక్కిన దర్శకత్వంలో రవితేజ తదుపరి సినిమా ఉండనుంది.