శివరాత్రి రోజున హ్యాట్రిక్ హిట్స్
మహాశివుడు కరుణించాడు. మహాశివరాత్రి కానుకగా రిలీజైన సినిమాలన్నింటిని హిట్ చేసేశాడు. మహాశివరాత్రి కానుకగా నిన్న జాతిరత్నాలు, గాలి సంపత్, శ్రీకారం, రాబర్ట్ సినిమాలు విడుదలయ్యాయ్. వీటిలో రాబర్ట్ మినహా మిగితా మూడు సినిమాలు ప్రేక్షకుల మన్నలనని అందుకున్నాయ్. జాతిరత్నాలు, శ్రీకారం సినిమాలు ఏకంగా బ్లాక్ బస్టర్ హిట్ టాక్ అందుకున్నాయి. గాలి సంపత్ కూడా బాగున్నాడని ప్రేక్షకులు కితాబిస్తున్నారు. రాబర్డ్ గురించి పెద్దగా టాక్ వినిపించట్లేదు.
ఈ నేపథ్యంలో శివరాత్రి రోజున ఇండస్ట్రీకి హ్యాట్రిక్ హిట్స్ దక్కినట్టయింది. నవీన్ పొలిశెట్టి, రాహుల్ రామకృష్ణ, ప్రియదర్శి ప్రధాన పాత్రల్లో నటించిన జాతిరత్నాలు నాన్ స్టాప్ గా నవ్వులు పంచుతోంది. ఈ చిత్రానికి అనుదీప్ దర్శకత్వం వహించారు. ఈ సినిమాపై ప్రేక్షకులు, సినీ ప్రముఖులు ప్రసంసలు కురిపిస్తున్నారు. శర్వానంద్ హీరోగా వచ్చిన శ్రీకారం.. యువత వ్యవసాయం చేయాలని పిలుపునిచ్చింది. యువత, ఫ్యామిలీ ఆడియెన్స్ ని ఆకట్టుకొనే దర్శకుడు సినిమాని తీర్చిదిద్దారు. ‘గాలి సంపత్’ లో సెంటిమెంట్ పాళ్లు ఎక్కువైనా.. బాగుంది అనిపించాడు. మొత్తానికి.. మూడు సినిమాలు హిట్ టాక్ తో తొలిరోజు మంచి వసూళ్లని రాబట్టాయి.
