అప్పుడే #RRRని చూసేసిన మెగాస్టార్.. బాహుబ‌లిని మించి పోయిందని కితాబు !
ప్రేక్షకులు, సినీ ఇండస్ట్రీ #RRR సినిమా కోసం ఆతృతగా ఎదురు చూస్తున్నారు. అయితే మెగాస్ఘార్ చిరంజీవి మాత్రం ఆగలేకపోయారు. ఆయన అప్పుడే ఆర్ ఆర్ ఆర్ చూసినట్టు సమాచారమ్. చిరు, ఇత‌ర టీమ్ క‌లిసి ఈమ‌ధ్యే ఆర్ఆర్ఆర్ చూశారట. ర‌షెష్‌చూసి.. చిరు చాలా పొంగిపోయాడ‌ని.. రాజ‌మౌళిని పొగ‌డ్త‌ల‌తో ముంచేశాడ‌ని తెలుస్తోంది. ఈ సినిమా బాహుబ‌లిని మించి పోయింది` అంటూ స‌న్నిహితుల ద‌గ్గ‌ర త‌న ఆనందాన్ని పంచుకున్నాడ‌ట.
బాహుబలి తర్వాత రాజమౌళి చేస్తున్న చిత్రమిది. స్వాత్రంత్య్ర సమరయోధులు కొమరం భీమ్, అల్లూరి సీతారామరాజుల మధ్య గల ఓ కామన్ పాయింట్ ఆధారంగా దర్శకుడు రాజమౌళి ఆర్ ఆర్ ఆర్ కథని రాసుకొన్నారు. ఇందులో కొమరంభీమ్ పాత్రలో తారక్.. ఆయనకి జంటగా హాలీవుడ్ బ్యూటీ ఒలివియా మోరీస్ నటిస్తున్నారు. అల్లూరి సీతారామ రాజుగా రామ్ చరణ్, ఆయనకి జంటగా బాలీవుడ్ బ్యూటీ అలియా భట్ సీత పాత్రలో నటిస్తున్నారు. అలియా బర్త్ డే కానుకగా తాజాగా ఆమె ఫస్ట్ లుక్ ని విడుదల చేశారు.
