కోహ్లీ.. రికార్డుల రారాజు !

మొతేరాలో జరిగిన రెండో టీ20లో ఏడు వికెట్ల తేడాతో ఇంగ్లాండ్‌ను కోహ్లీ సేన చిత్తుచేసింది. మొదట బ్యాటింగ్‌ చేసిన ఇంగ్లాండ్‌ 20 ఓవర్లలో 6 వికెట్లకు 164 పరుగులు చేసింది.

ఛేదనలో సారథి కోహ్లీ ఎట్టకేలకు సత్తా చాటి జట్టును విజయతీరాలకు చేర్చాడు. కోహ్లీ (73 నాటౌట్‌; 49 బంతుల్లో 5×4, 3×6), అరంగేట్ర ఓపెనర్‌ ఇషాన్‌ (56; 32 బంతుల్లో 5×4, 4×6) అర్ధశతకాలతో రాణించారు.

ఈ మ్యాచ్ లో కోహ్లీ పలు రికార్డులని నెలకొల్పాడు. టీ20ల్లో మూడు వేల పరుగులు సాధించిన తొలి బ్యాట్స్‌మన్‌గా కోహ్లి రికార్డు సృష్టించాడు. అంతర్జాతీయ క్రికెట్‌లో అత్యంత వేగంగా 12 వేల పరుగుల మైలురాయి చేరుకున్న కెప్టెన్‌గా నిలిచాడు. 226 ఇన్నింగ్స్‌ల్లోనే కోహ్లీ ఆ ఘనత సాధించాడు. టీ20ల్లో అత్యధిక అర్ధ శతకాలు నమోదు చేసిన ఆటగాడిగా కోహ్లీ(26) రికార్డు సృష్టించాడు.