హాట్ బ్యూటీ రివెంజ్ తీర్చుకుంటుందట !

కాస్త గ్యాప్ తర్వాత హాట్ బ్యూటీ రాయ్ లక్ష్మీ మళ్లీ కెమెరా ముందుకొచ్చింది. ఆమె నటించిన ఆఖరి చిత్రం ‘వేర్‌ ఈజ్‌ వెంకటలక్ష్మి’. ఇందులో అందం+అభినయంతో ఆకట్టుకుంది. ఈ సినిమా గ్యాప్ తీసుకున్న హాట్ బ్యూటీ.. ఓ మహిళా ప్రధాన చిత్రంలో పవర్‌ఫుల్‌ రోల్‌లో నటిస్తోంది. 

దీని గురించి రాయ్ లక్ష్మీ మాట్లాడుతూ.. “చాలాకాలం తర్వాత కెమెరా ముందుకు రావడం కొత్తగా అనిపిస్తోంది. నటిగా నా కెరీర్‌ తొలి రోజులు గుర్తుకొస్తున్నాయి. ప్రస్తుతం నటిస్తున్న చిత్రం ఒక రివెంజ్‌ డ్రామా. మన సమాజంలో స్త్రీలు ఎదుర్కొంటున్న సమస్యలపై ఇందులో ప్రస్తావిస్తున్నాం. ముఖ్యంగా అత్యాచార బాధితులు, క్యాస్టింగ్‌ కౌచ్‌, అనేకచోట్ల మహిళలను వేధిస్తున్న సమస్యలపై న్యాయం కోసం పోరాడే పాత్ర నాది. మళ్లీ పనిలో బిజీ కావటం నాకు ఎంతో సంతోషానిస్తోంది” అని చెప్పుకొచ్చింది.