‘వకీల్ సాబ్’ ప్రీ రిలీజ్ ఫంక్షన్ ఎప్పుడు.. ఎక్కడ ?
పవర్ స్టార్ పవన్ కల్యాణ్ ‘వకీల్ సాబ్’గా ప్రేక్షకుల ముందుకు రాబోతున్న సంగతి తెలిసిందే. ఈ చిత్రానికి వేణు శ్రీరామ్ దర్శకత్వం వహించారు. శృతిహాసన్, అంజలి, నివేదా థామస్ తదితరులు కీలక పాత్రలో పోషించారు. థమన్ సంగీతం అందించారు. బోనీ కపూర్ తో కలిసి దిల్ రాజు నిర్మించారు. ఏప్రిల్ 9న వకీల్ సాబ్ ప్రేక్షకుల ముందుకు రాబోతున్నారు.
ఈ నేపథ్యంలో ఏప్రిల్ 3న ప్రీ రిలీజ్ ఫంక్షన్ నిర్వహించేందుకు ఏర్పాట్లు చేస్తున్నట్టు సమాచారమ్. యూసఫ్ గూడా లోని పోలీస్ గ్రౌండ్స్ లో ఈ ఈవెంట్ ఉండనుందని తెలిసింది. ఈ మెగా ఈవెంట్ కి మెగాస్టార్ చిరంజీవి ముఖ్య అతిథిగా హాజరుకానున్నారు తెలుస్తోంది. ఇదే నిజమైతే.. మెగా బ్రదర్స్ ఒకే వేదికపై మరోసారి చూడొచ్చు.
