TS ఎంసెట్ నోటిఫికేషన్ విడుదల
తెలంగాణ ఎంసెట్-2021 నోటిఫికేషన్ విడుదలైంది. ఈ నెల 20న దరఖాస్తుల ప్రక్రియ ప్రారంభమై.. మే 5తో దరఖాస్తుల ప్రక్రియ ముగియనుంది. జులై 7, 8 ,9 తేదీల్లో ఇంజినీరింగ్‌ పరీక్ష, జులై 5, 6 తేదీల్లో అగ్రికల్చర్‌, మెడికల్‌ పరీక్షను నిర్వహించనున్నారు. అభ్యర్థులు తమ పేరును రిజిస్టర్‌ చేసుకోవడానికి రూ.800 ఫీజును చెల్లించాల్సి ఉంటుంది. ఎస్సీ, ఎస్టీ, పీహెచ్‌ కేటగిరీ అభ్యర్థులు రిజిస్టర్‌ చేసుకోవడానికి ఫీజు రూ.400 గా నిర్ణయించారు.
ఈ రెండు పరీక్షలకు దరఖాస్తు చేయాలనుకుంటే రూ.1600లు చెల్లించాల్సి ఉంటుంది. ఎస్సీ, ఎస్టీ, పీహెచ్‌ అభ్యర్థులు రూ.800 చెల్లిస్తే సరిపోతుంది. ఈ పరీక్షను తెలంగాణ రాష్ట్ర ఉన్నత విద్యామండలి తరఫున జేఎన్టీయూ హైదరాబాద్‌(JNTUH)నిర్వహించనుంది.
