‘వకీల్ సాబ్’ ప్రమోషన్స్ మొదలు

పవర్ స్టార్ పవన్ కల్యాణ్ వకీల్ సాబ్ గా ప్రేక్షకుల ముందుకు రాబోతున్న సంగతి తెలిసిందే. బాలీవుడ్ హిట్ ‘పింక్’కి రిమేక్ ఇది. ఇందులో అమితాబ్ నటించిన పాత్రలో పవన్ కనిపించనున్నారు. శృతిహాసన్, అంజలి, నివేదా థామస్ తదితరులు కీలక పాత్రలో కనిపించనున్నారు. ఈ చిత్రానికి వేణు శ్రీరామ్ దర్శకత్వం వహించారు. థమన్ సంగీతం అందించారు. బోనీ కపూర్ తో కలిసి దిల్ రాజు నిర్మించారు. ఏప్రిల్ 9న వకీల్ సాబ్ ప్రేక్షకుల ముందుకు రానున్నాడు.

ఈ నేపథ్యంలో వకీల్ సాబ్ సినిమా ప్రమోషన్స్ మొదలెట్టేశారు. తాజాగా దర్శకుడు వేణు శ్రీరామ్, సంగీత దర్శకుడు థమన్, గేయ రచయిత రామజోగయ్య శాస్త్రీ కలిసి ఓ టీవీ ఛానెల్ కి ప్రత్యేక ఇంటర్వ్యూ ఇచ్చారు. మ్యూజికల్ ఇంటర్వ్యూలో వకీల్ సాబ్ సినిమా పాటలు, సినిమాకి సంబంధించి ఆసక్తికర విషయాలు పంచుకున్నారు. సాధారణంగా పవర్ స్టార్ సినిమాకు పెద్దగా ప్రచారం చేయాల్సిన పనిలేదు. 

ఆయన సినిమాకు కొబ్బరికాయ కొట్టడంతో పవన్ సినిమాపై అంచనాలు ఆకాశానికి అంటుతాయ్. అయితే వాటిని అందుకొనేలా సినిమా ఉందని చెప్పే ప్రయత్నంలో భాగంగానే చిత్రబృందం మీడియా ముందుకు రావడం జరుగుతోంది. ఇక పవన్ కూడా సినిమా ప్రీ రిలీజ్ ఫంక్షన్ లో సందడి చేయనున్నారు. ఏప్రిల్ 3న ప్రీ రిలీజ్ ఫంక్షన్ ని ప్లాన్ చేసినట్టు తెలిసింది. ఈ వేడుకకి మెగాస్టార్ చిరంజీవి ముఖ్య అతిథిగా హాజరుకాబోతున్నారని సమాచారమ్. ప్రీ రిలీజ్ ఫంక్షన్ తర్వాత పవన్ సో ఇంటర్వ్యూలు, చిత్రబృందంతో కలిసి ఒకట్రెండు స్పెషల్ ఇంటర్వ్యూలో ప్లాన్ చేసినట్టు సమాచారమ్.