రెండో వన్డే : కెఎల్ రాహుల్ సెంచరీ.. పంత్ హాఫ్ సెంచరీ

ఇంగ్లాండ్ తో జరుగుతున్న రెండో వన్డే లో టీమిండియా అదరగొడుతోంది. కెఎల్ రాహుల్ సెంచరీ (100 108బంతుల్లో 6ఫోర్లు, 2 సిక్స్ లు), పంత్ (57, 30 బంతుల్లో 3ఫోర్లు, 5 సిక్స్ లు) హాఫ్ సెంచరీ పూర్తి చేసుకొని దూకుడుగా ఆడుతున్నారు. ప్రస్తుతం టీమిండియా 43.1 ఓవర్లు ముగిసే సరికి 258 పరుగులతో ఆటని కొనసాగిస్తోంది.

అంతకుముందు ఓపెనర్ శిఖర్ ధావన్ (4) తక్కువ స్కోరుకే అవుటయ్యాడు. దాటిగా ఆడిగిన మరో ఓపెనర్ రోహిత్ శర్మ 25 పరుగుల వద్ద అవుటయ్యారు. 37 పరుగులకే రెండు వికెట్లు కోల్పోయిన భారత్ ను కోహ్లీ, రాహుల్ జోడీ ఆదుకుంది. వీరిద్దరూ మూడో వికెట్ కు 121 పరుగులు జోడించడంతో భారత్ మెరుగైన స్థితిలో నిలిచింది. అయితే 66 పరుగులు చేసిన కోహ్లీ లెగ్ స్పిన్నర్ అదిల్ రషీద్ బౌలింగ్ లో అవుటవడంతో టీమిండియా మూడో వికెట్ కోల్పోయింది. అయితే తర్వాత వచ్చిన పంత్ మొదట్లో కాస్త నెమ్మదిగా ఆడినా.. ఆ తర్వాత ఆకాశమే హద్దుగా రెచ్చిపోయాడు.