వీరమల్లు శిక్షణ చూశారా ?

కోటు తీసేసి.. కత్తి పట్టాడు పవర్ స్టార్ పవన్ కల్యాణ్. యుద్ధంలోకి దిగిపోయాడు. ‘వకీల్ సాబ్’ షూటింగ్ పూర్తి చేసిన పవన్ ప్రస్తుతం క్రిష్ సినిమా ‘హరిహర వీరమల్లు’ సినిమాతో బిజీగా ఉన్నారు. ఇదో పిరియాడికల్ డ్రామ్. మొఘల్ కాలం నాటి కథతో తెరకెక్కుతోంది. ఇందులో వీరమల్లు (పవన్) ఆయుధం బల్లెం. ఇటీవల విడుదల చేసిన హరిహర వీరమల్లు ఫస్ట్ గ్లింప్ల్స్ లోనూ బల్లెం పట్టుకొని పవన్ యాక్షన్ లోకి దిగడం చూశాం. ఈ నేపథ్యంలో.. తాజాగా బల్లెంతో యుద్ధ శిక్షణ తీసుకుంటున్నారు పవన్. 

సెట్స్ లో బల్లెంతో పవన్ సాధన చేస్తుండగా తీసిన పోటోలని చిత్రం బృందం సోషల్ మీడియాలో షేర్ చేసింది. చాలా ఏకగ్రతతో పవన్ శిక్షణ చేస్తున్నట్టు.. ఈ ఫోటోలని చూస్తే అర్థమవుతోంది. ఇప్పుడీ.. ఈ ఫోటోలు ఆకట్టుకుంటున్నాయి. సోషల్ మీడియాలో వైరల్ అవుతున్నాయి. పవన్ ఫ్యాన్స్ అయితే పండగ చేసుకుంటున్నారు. 

కథ  ప్రకారం.. ఈ సినిమాలో పవన్ కల్యాణ్ 3 షేడ్స్ లో కనిపించబోతున్నాడని సమాచారమ్. వీటిలో ఒక గెటప్ మాత్రమే ఫస్ట్ లుక్ లో కనిపించింది. అంటే సినిమాలో మరో 2 డిఫరెంట్ షేడ్స్ ఉండనున్నాయి. వజ్రాల దొంగ వీరమల్లుగా పవన్ ఓ షేడ్ లో కనిపించబోతున్నాడు. దీంతో పాటు సిక్కు సైనికుల్ని కాపాడే రక్షకుడిగా, దేశం కోసం పోరాడే వీరుడిగా కూడా పవన్ కనిపించనున్నారని తెలిసింది.