పవన్ కల్యాణ్ ఫిల్మ్ ఫెస్టివెల్ జరగబోతుంది!

టాలీవుడ్ లో పవర్ స్టార్ పవన్ కల్యాణ్ ఫిల్మ్ ఫెస్టివెల్ జరగబోతుంది అన్నారు దర్శకుడు క్రిష్. వకీల్ సాబ్ తో పవన్ రీ ఎంట్రీ ఇస్తున్న సంగతి తెలిసిందే. దాదాపు మూడేళ్ల తర్వాత పవన్ నటిస్తున్న చిత్రమిది. ఇక వకీల్ సాబ్ తర్వాత వరుసగా సినిమాలని లైన్ లో పెట్టేశారు పవన్. ఏకంగా ఐదారు సినిమాని ప్రకటించేశారు. హరిహర వీరమల్లు, అయ్యప్పనుమ్ కోషియమ్’ తెలుగు రిమేక్, హరీష్ శంకర్, సురేందర్ రెడ్డి సినిమాలని పవన్ చేయాల్సి ఉంది.

ఇవీగాక పవన్ నిర్మాతగా ఏకంగా 15 సినిమాలు రాబోతున్నట్టు సమాచారమ్. పీపుల్ మీడియా ఫ్యాక్టరీ బ్యానర్ తో కలిసి పవన్ ఈ సినిమాలని నిర్మించనున్నారట. ఇందులో 6 చిన్న సినిమాలు, 6 మీడియం రేంజ్ సినిమాలు, మరో 3 భారీ బడ్జెట్ సినిమాలున్నాయని తెలుస్తొంది. ఈ నేపథ్యంలో టాలీవుడ్ లో పవన్ కల్యాణ్ ఫిల్మ్ ఫెస్టివెల్ జరగబోతుందని క్రిష్ అన్నారు.

వకీల్ సాబ్ ప్రీ రిలీజ్ ఈవెంట్ కు క్రిష్ హాజరయ్యారు. ఈ సందర్భంగా ఆయన మాట్లాడుతూ.. జనరల్ గా ఇంటర్నేషనల్ ఫిల్మ్ ఫెస్ట్ వెల్ జరుగుతుంటాయ్. ఇప్పుడు టాలీవుడ్ పవన్ కల్యాణ్ ఫిల్మ్ ఫెస్టివెల్ జరగబోతుంది. మొదటగా ‘వకీల్ సాబ్’ వస్తున్నాడు. దిగ్విజయంగా విజయం సాధించబోతున్నాడు. ఆ తర్వాత పవన్ నుంచి వరుసగా సినిమాలు క్యూ కట్టబోతున్నాయ్. హీరోగా, నిర్మాతగా నాన్ స్టాప్ గా పవన్ నుంచి సినిమాలు వస్తాయ్. అందుకే.. టాలీవుడ్ లో పవన్ కల్యాణ్ ఫిల్మ్ ఫెస్టివెల్ జరగబోతుందని క్రిష్ చెప్పేశారు. ఇదే నిజమైతే.. పవన్ ఫ్యాన్స్ కరువు తీరినట్టే.