సైకిల్ మీద వచ్చి ఓటేసిన విజయ్

తమిళనాడులో నేడు ఒకే దశలో 234 స్థానాలకు పోలింగ్‌ కొనసాగుతోంది. సినీ, రాజకీయ, వ్యాపార.. ప్రముఖులు పోలింగ్ బూతులకు వచ్చిన తమ తమ ఓటు హక్కుని వినియోగించుకుంటున్నారు. ఆదర్శంగా నిలుస్తున్నారు. కోలీవుడ్ స్టార్ హీరో అజిత్ భార్య షాలినితో కలిసి వచ్చి ఓటు హక్కుని వినియోగించుకున్నారు. మరో స్టార్ హీరో విజయ్ సైకిల్ మీద పోలింగ్ కేంద్రానికి చేరుకొని ఓటేశారు. 

విజయ్ ఇంటి నుంచి సైకిల్ మీద బయలు దేరినప్పటి నుంచి ఆయన ఓటు హక్కుని వినియోగించుకొని.. వెళ్లే వరకు ఫోటోలు, వీడియోలు సోషల్ మీడియాలో వైరల్ అవుతున్నాయి. ఓ స్టార్ లో ఇలా.. సింపుల్ గా సైకిల్ మీద వచ్చి ఓటు హక్కుని వినియోగించుకోవడం.. బహుశా.. ఇటీవల ఎక్కడా జరిగి ఉండదు. 

ఇక అసెంబ్లీ ఎన్నికలకు ముందు విజయ్ రాజకీయాల్లోకి వస్తారని.. ఆయన కొత్త పార్టీ పెట్టబోతున్నట్టు ప్రచారం జరిగిన సంగతి తెలిసిందే. ఏకంగా విజయ్ తమిళనాడు సీఎం అంటూ బ్యానర్లు, ఫ్లెక్సీలు వెలిశాయి. కానీ ఈ ప్రచారంలో నిజం లేదని విజయ్ పలుమార్లు స్పష్టం చేశారు. అయితే ఇప్పుడు కాకపోయినా.. భవిష్యత్ లో విజయ్ రాజకీయాల్లోకి వస్తారు.. సీఎం అవుతారని ఆయన అభిమానులు ఆశపడుతున్నారు. మరీ.. వారి కోరిక తీరుతుందేమో చూడాలి.