ఐకాన్ ఆగిపోలేదు.. దిల్ రాజు క్లారిటీ !

‘అల.. వైకుంఠపురంలో’ సినిమా తర్వాత బన్నీ రెండు కథలు ఓకే చేశారు. ఇందులో ఒకటి సుకుమార్ సినిమా కాగా.. రెండోది ఐకాన్. ఈ చిత్రానికి వేణు శ్రీరామ్ దర్శకత్వం వహించాల్సి ఉంది. దిల్ రాజు నిర్మాత. సుకుమార్ సినిమా కంటే  ముందే ఐకాన్ వస్తుంది అనుకున్నారు. కానీ బన్నీ సుక్కు సినిమానే సెట్స్ మీదకు తీసుకెళ్లారు. ఆ తర్వాత ఐకాన్ అప్ డేటు లేదు. ఇంతలో కొరటాల శివ సినిమాని బన్నీ ఓకే చేసేశారు. దీంతో ఐకాన్ ఆగిపోయినట్టే అనుకున్నారు. అయితే ఐకాన్ ఆగిపోలేదట. బన్నీతో ఐకాన్ సినిమా తీస్తాం అన్నారు దిల్ రాజు.

తాజాగా వకీల్ సాబ్ సినిమా ప్రచారంలో పాల్గొన్న దిల్ రాజు.. ఐకాన్ పై క్లారిటీ ఇచ్చారు. కాస్త ఆల‌స్య‌మైనా ఐకాన్‌ సినిమా తీస్తామ‌ని దిల్ రాజు క్లారిటీ ఇచ్చారు. త్వ‌ర‌లోనే అల్లు అర్జున్ ఈ సినిమా గురించిన ఓ ప్ర‌క‌ట‌న ఇస్తార‌ని చెప్పారాయ‌న‌. అంతేకాదు..  రామ్ చ‌ర‌ణ్ – శంక‌ర్ కాంబినేష‌న్ లో దిల్ రాజు ఓ సినిమా తెర‌కెక్కిస్తున్న సంగ‌తి తెలిసిందే. దీనిపై కూడా దిల్ రాజు స్పందించారు. మే, జూన్‌ల‌లో ఈ సినిమా ప‌ట్టాలెక్కుతుంద‌ని, హీరోయిన్ కోసం అన్వేషిస్తున్నామ‌ని, ఆ వివ‌రాల‌న్నీ త్వ‌ర‌లో చెబుతామ‌న్నారు.

ఇక దిల్ రాజు ఈ వారమే (ఏప్రిల్ 9) ప్రేక్షకుల ముందుకు రానుంది. ఈ చిత్రానికి వేణు శ్రీరామ్ దర్శకత్వం వహించారు. బాలీవుడ్ హిట్ పింక్ కి రిమేక్ ఇది. ఇందులో బిగ్ బీ అమితాబ్ నటించిన పాత్రలో పవన్ కనిపించనున్నారు. శృతిహాసన్, అంజలి, నివేదా థామస్ తదితరులు కీలక పాత్రల్లో నటిస్తున్నారు. థమన్ సంగీతం అందిస్తున్నారు. బోనీ కపూర్ తో కలిసి దిల్ రాజు నిర్మిస్తున్నారు.