పవన్ తో సినిమాపై రామ్ గోపాల్ వర్మ స్పందన !

సంచలన దర్శకుడు రామ్ గోపాల్ వర్మ దర్శకత్వంలో పవర్ స్టార్ పవన్ కల్యాణ్ సినిమా చేస్తే ఎలా ఉంటది ? ఇదే ప్రశ్నని ఆర్జీవిని అడిగేశాడు ఓ విలేకరి. మర్డర్‌’ తర్వాత రామ్‌గోపాల్‌ వర్మ దర్శకత్వం వహించిన చిత్రం ‘దెయ్యం’. ఈ చిత్రంలో రాజశేఖర్‌, స్వాతి దీక్షిత్‌ ప్రధాన పాత్రల్లో నటించారు. ఈ సినిమా ప్రమోషన్స్ లో పాల్గొన్న వర్మకు పవన్ తో సినిమా చేస్తారా ? అనే ప్రశ్న ఎదురైంది. దానికి తనదైన శైలిలో సమాధానం చెప్పారు ఆర్జీవీ.

‘పవన్‌కు ఉన్న ఇమేజ్‌, హీరోయిజం, ఫ్యాన్‌ ఫాలోయింగ్‌, ఆయన అభిమానులకు ఉండే అంచనాలకు తగ్గట్టు సినిమా చేయడం నాకు చేతకాదు. ఎందుకంటే హీరోయిజం చూపించే కమర్షియల్‌ చిత్రాల కంటే ఎక్కువగా జోనర్‌ చిత్రాలను నేను తెరకెక్కిస్తాను. అలాంటి చిత్రాల్లో స్టార్‌ హీరోలను తీసుకుంటే అది వాళ్లకే కాదు.. సినిమాకు కూడా మంచిది కాదు. అలాగే, కమర్షియల్‌ హంగులతో చిత్రాలు తీయాలనే ఆసక్తి కూడా నాకు లేదు’ అని వర్మ వివరించారు.

ఇక వ్యక్తిగతంగా పవన్ అభిమానిని అని చెప్పిన వర్మ.. వకీల్ సాబ్ సినిమాని ఇంకా చూడలేదు. కానీ ట్రైలర్ చూశాను. బాగా వచ్చింది. సినిమా రివ్యూలు కూడా చదివాను అని చెప్పుకొచ్చారు. ఇక గత యేడాది కరోనా టైమ్ లో వర్మ జోరు చూపించారు. వరుస సినిమాలని విడుదల చేస్తూ.. కరోనాని సైతం క్యాష్ చేసుకున్నారు. అయితే.. ఈ యేడాది మాత్రం వర్మ సందడి పెద్దగా లేదు. మరీ.. దెయ్యం సినిమా తర్వాత మళ్లీ ఆయన స్పీడు పెంచుతారేమో చూడాలి.